Bestilling

Prisar

Veileiande prisar pr. 01.01.2025
Vi vil følgje generell prisauke

Ved UWC Leirskule er kostnaden delt opp i to; undervisningskostnaden og opphaldskostnad. Undervisningskostnad er knytt til personalkostnader for pedagogisk personale, medan opphaldskost dekker kost og losji. Begge kostnadene er oppgitt per elev. Undervisningskostnad vert ikkje fakturert for lærar eller andre vaksne. Opphald er gratis for ein lærar for klassar opp til 15 elevar og to for klassar mellom 15-30 elevar. Utover dette betalar lærar 2/3 av elevprisen for opphald. Andre voksne betalar elevpris for kost og losji.

Undervisningskostnad: kr 1440
Opphaldskostnad: kr 2730
Totalpris: kr 4170

Prisane over gjeld for 2025, og er oppgitt per elev/vaksen. Prisane justerast i hht. konsumprisindeks 1.januar kvart år.

---

Bestilling- og avbestillingsrutinar

Bestilling av leirskuleopphald bør skje god tid i førevegen. Det kan bestillast plass opp til fem år i førevegen. Det er vidare viktig at skulen er kontaktpunkt for bestillinga slik at informasjon kjem til rett person når tida for opphaldet kjem.

Bestillingsrutine

1. Klasselærar/rektor tek kontakt med leirskulen pr. telefon, brev eller e-post.

2. Leirskulen sender ut eit:
• Stadfestingsskjema som skulen signerer og returnerer

3. Ved mottatt stadfestingsskjema er plassen stadfesta og vitjande skule har godteke avbestillingsrutinane.

4. Ca. 2 mnd. før opphaldet tek til, sender leirskulen ut eit infobrev og ei liste der elevane må velje mellom dei ulike ettermiddagsaktivetane.

Avbestillingsreglar

Utfylt stadfestingsskjema er ein bindande avtale mellom UWC Leirskule og skulen, og denne avtala legg ramma for drifta vår. Dersom skulen av ulike årsaker må bryte avtalen, gjeld følgande reglar.

• Ved avbestilling meir enn 2 år i førevegen, vert det fakturert eit avbestillingsgebyr på kr 250,- pr. elev.
• Ved avbestilling mellom 2 år og 1 år før ankomstdato blir 50% av prisen pr. elev fakturert til skulen.
• Ved avbestilling etter 1 år før ankomstdato blir leirskuleopphaldet fakturert fullt ut i henhold til antal elevar på stadfestingsskjema.

Ved avbestilling seinare enn 2 år i førevegen av ankomstdato, må i tillegg undervisningskostnadane på leirskulen, garantert i refusjonsgarantien, dekkjast i sin heilskap.

Avbestillingsreglane gjeld også grunna streik eller andre arbeidskonfliktar.

*For leirskuleopphald bestilt før 01.01.2018 gjeld tidlegare reglar.